ოჯახის წევრების მიმართ ძალადობის ბრალდებით დაკავებულ ბიზნესმენს დავით კოდუას ერთიდან სამ წლამდე პატიმრობა ემუქრება. დღეს სასამართლო აღკვეთის ღონისძიების შეფარდებაზე იმსჯელებს.

ბიზნესმენის ადვოკატის მუხრან ღურწკაიას თქმით, მისი დაცვის ქვეშ მყოფი კოდუა თავს დამნაშავედ არ ცნობს. მისი დაკავების წინააღმდეგები არიან ასევე ცოლი და ქალიშვილი, რომელთა მიმართ ძალადობასაც ედავება გამოძიება.

შეგახსენებთ, საქართველოს პროკურატურამ ბიზნესმენ დავით კოდუას მეუღლის და შვილის მიმართ განხორციელებული ფიზიკური ძალადობის ფაქტზე საქართველოს სისხლის სამართლის კოდექსის 126 პრიმა მუხლის მე-2 ნაწილის ,,გ’’ ქვეპუნქტით წარუდგინა ბრალი. აღნიშნული ნაწილი კი სასჯელის ზომად 1-დან 3 წლამდე პატიმრობას ითვალისწინებს.