რამდენიმე სამეცნიერო ნაშრომზე დაყრდნობით შეგვიძლია განვაცხადოთ, რომ ძილის წინ 90 წუთით ადრე მიღებული შხაპის წყალობით ადამიანს გაცილებით მარტივად ეძინება. ზოგიერთი ექსპერტის აზრით, შხაპი სტრესისგან გათავისუფლების ერთგვარი საშუალებაა – მისი დახმარებით ქვეითდება კორტიზოლის დონე.

გახსოვდეთ, რომ ღამით რეგენერირდება არა მხოლოდ სახის კანი, არამედ მთლიანი სხეულის. ძილის დროს კანის მკვდარი უჯრედები გცილდებათ. სასურველია ღამით სახე დაიბანოთ, ქალებმა მაკიაჟი მოიცილოთ. ამასთან, თუ შხაპს ღამით მიიღებთ კანის მკვდარი უჯრედებისგან გაცილებით მარტივად გათავისუფლდებით.

დილის შხაპი

ჰარვარდის უნივერსიტეტის მეცნიერთა აზრით, დილის შხაპი ადამიანს ეხმარება სამსახურში მეტად კრეატიული იყოს.

თუ წვერს დილით იპარსავთ, ჯერ შხაპი მიიღეთ

ნიუ–იორკში მოღვაწე დერმატოლოგი სამერ ჯეიბერი იმ მამაკაცებს, რომლებიც წვერს დილით იპარსავენ ურჩევს, რომ ჯერ შხაპი მიიღონ, რადგან თბილი წყალი ამცირებს შეზრდილ თმას. როგორც სტატიაში ვკითხულობთ, თბილი წყალი არბილებს კანს და ხსნის ფორებს.

თუმცა დერმატოლოგი დერეკ ჩანი თვლის, რომ ადამიანმა შხაპი დღეში ერთხელ უნდა მიიღოს.

მაშინ, როცა ცხელი შხაპი უფრო სასიამოვნოა, კანისთვის სასარგებლოა თბილი! ძალიან ცხელი წყლის გამო კანის ტენიანობა ქვეითდება.

რომელია უკეთესი დილის თუ საღამოს შხაპი?

სამეცნიერო კვლევებსა და ექსპერტთა მოსაზრებებს თუ დავეყრდნობით შეგვიძლია განვაცხადოთ, რომ ღამით შხაპის მიღება რელაქსაციის, კანის გაახალგაზრდავების საუკეთესო საშუალებაა. ხოლო თუ დილის პიროვნება არ ხართ, შხაპის წყალობით დღის განმავლობაში აქტიურობისთვის მზად იქნებით.

ვერ გადაწყვიტეთ როდის მიიღოთ შხაპი დილით თუ საღამოს? არ ინერვიულოთ, რადგან დილისა და ღამის შხაპი სრულიად უვნებელია თუ ცხელი წყლის ქვეშ დიდხანს არ იქნებით.