საქართველოს პრეზიდენტი, სალომე ზურაბიშვილი, სიძულვილისა და შეურაცხყოფის ენაზე მორატორიუმის გამოცხადების ინიციატივით გამოდის.

როგორც პრეზიდენტმა განმარტა, ყველა მხარემ თავი რომ შეიკავოს სიძულვილის ენისგან, ქვეყანაში განწყობები და ატმოსფერო შეიცვლება და საზოგადოება კიდევ უფრო გაძლიერდება.

"ინიციატივა, რომელიც, მე მგონი, საჭიროა ყველასთვის და ეს არის არა ჩემი, არამედ საზოგადოების მოთხოვნა და მე მინდა, რომ ამ საშუალებით თქვენ და სხვა პოლიტიკურ პარტიებს, რომლებიც აქ არ იმყოფებიან დღეს გადავცეთ: მგონი, დრო მოვიდა, მორატორიუმის გამოცხადების სიძულვილისა და შეურაცხყოფის ენაზე. თავი რომ შევიკავოთ ამისგან, მე მგონი, შეიცვლება ზოგადად ქვეყანაში ატმოსფერო და განწყობები. ჩვენ ვართ განწყობის ქვეყანა და ეს განწყობა რომ შეიცვლება და უფრო სხვანაირად შევხედავთ ერთმანეთს და მომავალს, მგონია, რომ ეს ყველაფერი ჩვენ ყველას გაგვაძლიერებს,“ - განაცხადა პრეზიდენტმა.