ენმ-ს თავმჯდომარის ნიკა მელიას ადვოკატის თქმით, დაცვის მხარის პოზიცია უცვლელია - მელიასთან მიმართებით ყველანაირი სახის აღკვეთი ღონისძიება გაუქმდეს და შეწყდეს მისი პატიმრობა. როგორც გიორგი კონდახაშვილი განმარტავს, თუ სასამართლო დარჩება სამართლებრივ სივრცეში მას აუცილებლად მოუწევს ნიკა მელიას გათავისუფლება:
"ჩვენი პოზიციაა რა თქმა უნდა, რომ ნიკა მელიასთან მიმართებით ყველანაირი სახის აღკვეთი ღონისძიება გაუქმდეს და შეწყდეს მისი პატიმრობა. სასამართლო მომავალ პროცესზე, უკვე დარწმუნებით შემიძლია გითხრათ, ვინაიდან ეს არის 13 აპრილს ჩანიშნული და ძალიან მცირე დრო არის 17 აპრილამდე, სასამართლო შემდეგ არსებით სხდომაზე იმსჯელებს ნიკა მელიას მიმართ შეფარდებული პატიმრობის გაუქმების ან ძალაში დატოვების საკითხს, ამ პროცესს დაესწრება ბრალდებული ნიკა მელია, თუ სასამართლო დარჩება სამართლებრივ სივრცეში მას აუცილებლად მოუწევს ნიკა მელიას გათავისუფლება", - განაცხადა გიორგი კონდახაშვილმა.
მასალის გამოყენების პირობები






