გორის მერი, კოტე თავზარაშვილი "ასტრაზენეკას" ვაქცინით აიცრა. "ნიუპოსტის" კორესპონდენტის ცნობით, თავზარაშვილმა ვაქცინა გორის სამხედრო ჰოსპიტალში ცოტა ხნის წინ გაიკეთა. გორის მერი ამბობს, რომ თუ გვინდა დავამარცხოთ პანდემია და კოვიდ 19, ყველა მოქალაქე უნდა აიცრას.

,,როდესაც გამოცხადდა, რომ 55 წლის შემდეგ შეიძლებოდა რომ აცრილიყვნენ, მე მაშინვე დავრეგისტრირდი, მოვედი და ავიცერი. მხოლოდ ასე დავამარცხებთ საზიზღარ პანდემიას", - განაცხადა თავზარაშვილმა.

გორის საზოგადოებრივი ჯანდაცვის ცენტრის ინფორმაციითც მუნიციპალიტეტში ამ დროისთვის "ასტრაზენეკას" ვაქცინით სულ 247 ადამიანი აიცრა.