აშშ-ის კაპიტოლიუმი დროებით დაიხურა. მიზეზი ტერიტორიაზე მომხდარი ინციდენტია. ინფორმაციას ამის შსახებ ამერიკული მედია ავრცელებს.

გავრცელებული ინფორმაციით, კაპიტოლიუმის ტერიტორიაზე მყოფ პოლიციელებს ავტომობილი დაეჯახა. ინციდენტის შედეგად ორი პოლიციელი დაშავდა. დაშავებულები სხვადასხვა კლინიკაში მოათავსეს.

ისმოდა სროლის ხმაც. პოლიციელებმა მძღოლის მისამართით გაისროლეს, რომელიც საკუთარი მანქანიდან დანით შეიარაღებული გადმოხტა და პოლიციელები დაჭრა.

სამართალდამცავების მიერ დაჭრილი ავტომობილის მძღოლი მოგვიანებით საავადმყოფოში გარდაიცვალა. ცოტა ხნის წინ კი პოლიციელის გარდაცვალების შესახებ გახდა ცნობილი.

ვაშინგტონის პოლიციის უფროსის მოვალეობის შემსრულებელი აცხადებს, რომ მომხდარის მოტივი ტერორისტული აქტი არ იყო, თუმცა გამოძიება გრძელდება.