დაკარგული კბილების ბუნებრივი გაზრდა შესაძლებელია

დაკარგული კბილების ბუნებრივი გაზრდა შესაძლებელია - იაპონელი მეცნიერები

ეს საინტერესოა - 14:43, 30 Mar, 2021

3949

იაპონელი მეცნიერები აცხადებენ, რომ იპოვეს გენეტიკური მექანიზმი, რომლითაც შესაძლებელი ხდება დაკარგული კბილების რეგენერაცია. ამის შესახებ მასალები ჟურნალ Science Advances-ში გამოქვეყნდა.

ექიმებმა, რომლებიც ცდებს კბილების დანდაყოლილი ააგენეზით დაავადებულ თაგვებზე ატარებდნენ, აჩვენეს, რომ USAG-1 გენის ანტისხეულებს შეუძლიათ სტიმულირება მისცენ მათი კბილების ზრდას.

ცნობილია, რომ კბილების მორფოგენოზი დამოკიდებულია რამდენიმე მოლეკულის ურთიერთქმედებაზე, რომელიც ასევე არეგულირებს ჩანასახის განვითარებას. აქედან გამომდინარე, მეცნიერები ფოკუსირებული იყვნენ ისეთ მოლეკულებზე, რომლებიც მეტად უსაფრთხოა.

მათ განაცხადეს, რომ გენი USAG-1 ურთიერთქმედებს როგორც BMP-ზე, ასევე Wnt-ზე, მაგრამ აღმოჩნდა, რომ USAG-1-ის ერთერთმა ანტისხეულმა დაარღვია გენის ურთიერთობა მხოლოდ BMP-სთან, რამაც სტიმული მისცა თაგვის სრულფასოვანი და ჯანსაღი კბილის გაზრდას ისე, რომ მისი ჯანმრთელობისთვის ზიანი არ მიეყენებინა.

მეცნიერები აცხადებენ, რომ ეს რეზულტატი საშუალებას მიცემს ექიმებს შეიმუშავონ კბილების დაკარგვის მკურნალობის თერაპევტული საფუძველი, რომლის გადაწყვეტაც ამჟამად მხოლოდ იმპლანტებისა და სხვა ხელოვნური საშუალებებით ხდება.