თბილისში, ვარკეთილის ხიდებთან მომხდარი ავარიის შედეგად მძიმედ დაშავებული ახალგაზრდები დაიღუპნენ. შემთხვევა 7 დეკემბერს მოხდა.

ავარიის შედეგად ნიკა გოგიაშვილი ადგილზე გარდაიცვალა, თორნიკე ნამორაძე და თორნიკე ბოხუა კი საავადმყოფოებში გადაიყვანეს. 

ექიმების მცდელობის მიუხედავად, მძიმედ დაშავებულთა გადარჩენა ვერ მოხერხდა და ორივე გარდაიცვალა. 

7 დეკემბერს, გამთენიისას, ვარკეთილის მეტროდან მოსკოვის პროსპექტის მიმართულებით მოძრავი „მიცუბიშის“ მარკის ავტომანქანა, ე.წ. „ვარკეთილის ხიდების“ ქვევით არსებულ სატვირთო მანქანების სადგომზე ერთ-ერთ ტრაქტორს შეეჯახა. ავარიის დროს ავტომანქანაში 5 მგზავრი იმყოფებოდა.