სევასტოპოლის საქალაქო სასამართლომ 67 წლის პენსიონერ ქალს რუსეთის მიერ ოკუპირებულ ყირიმში სახელმწიფოს ღალატის ბრალდებით 12 წელი პატიმრობა მიუსაჯა. პროკურატურის ბრალდებაში წერია, რომ მან უკრაინის თავდაცვის სამინისტროს სამხედრო დაზვერვის სამსახურს "საიდუმლო მასალები გადასცა".

"მოქალაქე დ. ასრულებდა დაზვერვით დავალებებს, კერძოდ, აგროვებდა მასალებს რუსეთის შავი ზღვის ფლოტის საავიაციო პოლკის შესახებ, მათ მიერ გამოყენებული რადიოინდექსებისა და გასაღებების შესახებ და სხვა საიდუმლო ინფორმაციას, რომელიც გამოიყენებოდა აღნიშნული პოლკის მიერ მშვიდობიანობის პერიოდში" - ნათქვამია ბრალდებაში.

პროცესი დახურული იყო და მედიისთვის სხვა დეტალები ცნობილი არ არის.