ამის შესახებ ჟურნალისტებს ლილუაშვილის ადვოკატმა ზაზა ვაშაყმაძემ განუცხადა.

ადვოკატის თქმით, სისხლის სამართლის კოდექსის 159-ე მუხლი, რაც დაკავების მომენტში იყო, ოფიციალურად ბრალის წარდგენის დროს შეიცვალა.

"საუბარია სხვა მუხლებზე, რომლებიც მოკლედ ასეა, კერძოდ, სისხლის სამართლოს კოდექსის 333-ე მუხლის პირველი ნაწილი, ანუ სამსახურეობრივი უფლებამოსილების გადამეტება, სსკ 158-ე მუხლი, რაც კერძო კომუნიკაციის საიდუმლოების დარღვევას გულისხმობს, სსკ 187-ე მუხლი, რაც სხვისი ქონების დაზიანებას ან განადგურებას ნიშნავს, ასევე სსკ 284-ე მუხლი, რაც კომპიუტერულ ინფორმაციასთან არამართლზომიერი შეღწევას გულისხმობს და სსკ 285-ე მუხლი, რაც ეგმის დამაზიანებელი პროგრამის შექმნა, გამოყენებას ან გავრცელებას ნიშნავს", - განაცხადა ვაშაყმაძემ.