ქუთაისში გასულ წელს მომხდარი სასტიკი მკვლელობისთვის ბრალდებული ქალი, შესაძლოა, მალე გაათავისუფლონ. საქმე ეხება 32 წლის ელისო ჩეჩელაშვილის განსაკუთრებული სისასტიკით მკვლელობას, რომელიც ბრალდებულმა ეჭვიანობის ნიადაგზე ჩაიდინა.

საქმე ნაფიც მსაჯულებს უნდა განეხილათ, თუმცა სასამართლომ ჯერ კიდევ ვერ უზრუნველყო კანდიდატთა შერჩევა.

მოკლულის ოჯახის წევრები და ადვოკატები ჩამოშლილ სასამართლო სისტემაზე საუბრობენ და აცხადებენ, რომ ბრალდებულიოს გათავისუფლებას კარგი არაფერი მოყვება.

შეგახსენებთ, გასული წლის ზაფხულში 32 წლის ელისო ჩეჩელაშვილს საკუთარმა მეზობელმა და მეგობარმა ბიკა კასუნოვამ დანით მრავლობითი ჭრილობა მიაყენა სხეულზე. ახალგაზრდა ქალს სახის, ყელისა და გულმკერდის არეში 24 ჭრილობა ჰქონდა.