უფლებადამცველი დიმიტრი ლორთქიფანიძე მიიჩნევს, რომ ქვეყანაში რელიგიურ ნიადაგზე მომხდარი კონფლიქტები ხელოვნურად არის გამოწვეული. ლორთქიფანიძის თქმით, ეს კონკრეტულ პირებს აწყობთ:

„ეს სურთ მათ, ვისთვისაც მართმადიდებლური ეკლესია არის პრობლემა და ყელში გაჩხერილი ძვალი, მათ, ვინც მკვიდრი მოსახლეობის გაღატაკებისა და ქვეყნიდან განდევნის პოგრამა ვერ შეასრულეს ცხრა წლის მანძილზე,“- განაცხადა ლორთქიფანიძემ გადაცემა ,,არჩევანში“.

უფლებადამცველმა გადაცემის წამყვანიც გააკრიტიკა და აღნიშნა, რომ უმცირესობების უფლებების დარღვევაზე გადაცემის მომზადება ,,თითიდან გამოწოვილია“ და ქვეყანაში უფრო დიდი მნიშვნელობის საკითხი სამართლიანობის აღდგენის დაპირების შესრულებაა.

„როგორც ჩანს, თქვენც თვლით, რომ მთავარი გამოწვევა არის არა ის სამართლიანობის დაპირებული პირობის აღდგენა, მათ შორის წართმეული ქონების, ჯანმრთელობის აღდგენა, არამედ სწორედ თითიდან გამოწოვილი თემები, რომელიც კავშირშია იმ უმცირესობების მათ შორის სექსუალურ უმცირესობებთან დაკავშირებით მათი უფლებების დაცვაზე, როცა არცერთ საერთაშორიშო მოხსენებაში ერთი გაელვებაც კი არ არის, რომ ირღვეოდა,“- აცხადებს ლორთქიფანიძე.