ე.წ. ციხის კადრების ავტორი ვლადიმერ ბედუკაძე არ ელის, რომ მის წინააღმდეგ გამოძიება თავიდან დაიწყება. როგორც გადაცემა ,,დიდ პოლიტიკაში“ განაცხადა, მას რომ არ გამოეტანა კადრები, ვერავინ გაიგებდა, რა ხდებოდა ციხეებში.

ბედუკაძის თქმით, ის, რომ იმ კადრებში მისი ხმა ისმის, ეს არ ნიშნავს, რომ მწამებელია. „მე რომ მწამებელი ვყოფილიყავი, რატომ გამოვიტანდი? დიახ, იქ ჩემი ხმაა, ეს ხმა თამაშობდა გარკვეულ როლს იმ მომენტში, ამის ხელახლა აღწერას არ დავიწყებ, აქ სხვაა მთავარი - ვის აწყობს ამ თემის წამოწევა და თავიდან კადრებით მანიპულირება.“- ამბობს ბედუკაძე.

ბედუკაძე მოითხოვს, აღიძრას საქმე ყოფილი მთავარი პროკურორის მურთაზ ზოდელავას წინააღმდეგ:

„ის საქმის კურსში იყო წამებასთან დაკავშირებით. მტკიცებულება საქმეში დევს ჩხატარაშვილთან დაკავშირებით. ზოდელავას გარეშე წარმოუდგენელია იმ საქმის შეკერვა, რომლის პოლიტიკური სურვილებით გამოყენება სურდა წინა ხელისუფლებას“- ამბობს ბედუკაძე.