ვლადიმირ ბედუკაძე აცხადებს, რომ თავს არ მიიჩნევს პატიმართა მწამებლად და დამნაშავედ.

ამის სესახებ მან ტვ3-ის ეთერში, გადაცემაში „დიდი პოლიტიკა“ განაცხადა, როცა წამყვანმა ინგა გრიგოლიამ კითხვა იმის შესახებ დაუსვა, აღიარებს თუ არა ბედუკაძე, რომ პატიმართა წამებაში მონაწილეობდა.

„მე თავს ახლაც არ ვთვლი მწამებლად და დამნაშავედ. მე თვიდანვე მოვითხოვდი ამ საქმის ღიაობას, გახსნილობას, ნულიდან დაწყებას ამ გამოძიების, მაგრამ რახან ჩაითვალა ეს გაყალბებული საქმე, მთლიანად შეკერილი და შესაბამისად ისე წარმოჩინდა სულ ყველაფერი, რომ მწამებლად უნდოდათ ბედუკაძეს გამოყვანა და ასე უნდა დასრულებულიყო ბოლომდე, რაც არ გამოვიდა და არც გამოვიდოდა“ - ამბობს ლადო ბედუკაძე „დიდ პოლიტიკაში“.