ბიოქიმია-ფარმაკოლოგიის ლექტორმა, ონკოლოგიის რეზიდენტმა, ექიმმა გიორგი ღოღობერიძემ განაცხადა, რომ საზოგადოებაში ვაქცინაციისადმი ნდობის გასაზრდელად საჭიროა იმის ჩვენება, რომ ეს უსაფრთხო პროცესია:

„ამ ეტაპისთვის ჩვენ, საქართველოში შეიძლება გვყავდეს დაახლოებით ხუთასი ათასი ისეთი ადამიანი, რომელსაც კოვიდი უკვე მოხდილი აქვს. თუ ჩვენ გავაგრძელებთ ვაქცინაციის გარეშე ასეთ მსვლელობას დაგვჭირდება დაახლოებით 4-5 წელი რომ ყველამ მოიხადოს კოვიდი.

სამწუხაროდ ვაქცინაციის დროსაც გვყავს ერთი ადამიანი დაკარგული, თუმცა თუ გაიზრდება ჯანდაცვის ხარისხი ამ კუთხით ჩვენ შეიძლება მეტი ადამიანი აღარ დავკარგოთ და ვაქცინაციის ხარჯზე ის 15 ათასი ადამიანი აღარ გავწიროთ, რომელიც შეიძლება დაღუპულიყო კოვიდთან ბრძოლის დროს“, – განაცხადა ღოღობერიძემ.