საქართველოს მთავარ პროკურატურაში დღეს ბრიფინგი ჩატარდება. პროკურატურაში განცხადება პატიმარ ლევან კორტავას გარდაცვალებასთან დაკავშირებით, 14:00 საათზე გაკეთდება.

შეგახსენებთ, რომ მსჯავრდებული ლევან კორტავა 2013 წლის 23 მაისს გარდაიცვალა. პატიმრის გარდაცვალების საქმე მთავარმა პროკურატურამ გახსნილად 2 აგვისტოს გამოაცხადა. აღნიშნულ საქმესთან დაკავშირებით სამსახურებრივი გულგრილობის, სასიკვდილო შედეგით დასრულებული, უმწეო მდგომარეობაში მყოფის, განსაკუთრებული სისასტიკით, ჯგუფურად, ჯანმრთელობის განზრახ მძიმე დაზიანებაში დახმარებისათვის და სისხლის სამართლის საქმეზე მტკიცებულების ფალსიფიკაციის ჩადენისათვის რამდენიმე პირი დააკავეს.