დღეს თბილისის საქალაქო სასამართლოში "მთავარი არხის" გენერალური დირექტორის ნიკა გვარამიას სასამართლო პროცესი განახლდება. პროცესზე ორი მოწმე დაიკითხება.

როგორც გვარამიას ადვოკატი აცხადებს, მოწმეთა ჩვენება კიდევ ერთხელ ცხადყოფს, რომ ბრალდება აბსურდულია:

"ჩვენ ღრმად ვართ დარწმუნებული, ისევე, როგორც წინა, ყველა შემთხვევაში მოხდა, მოწმეები რეალურად აწვდიან ინფორმაციას, რომელიც არა თუ ადასტურებს, არამედ გამორიცხავს პროკურატურის მიერ წარდგენილ აბსურდულ ბრალდებას",- აცხადებს ადვოკატი დიმიტრი საძაგლიშვილი.

შეგახსენებთ, რომ გვარამიას გამოძიება "რუსთავი 2"-ის ხელმძღვანელობის დროს, სამაუწყებლო კომპანიის კანონიერი ინტერესების საწინააღმდეგოდ უფლებამოსილების ბოროტად გამოყენებასა და მისი კუთვნილი დიდი ოდენობით თანხის სამსახურეობრივი მდგომარეობით გამოყენებას ედავება.