სისხლიანი დაპირისპირება თოფაძის სახში -"დიდ ხათაბალაში გაეხვებიან, თუ რამეს იმაიმუნებენ თავის თავს დააბრალონ"- ზურაბ ჟვანიას ვაჟს ციხიდან დროზე ადრე უშვებენ?

სამართალი - 12:59, 16 Mar, 2021

2303

ყოფილი პრემიერის, ზურაბ ჟვანიას შვილს საპროცესო შეთანხმება გაუფორმდა. განზრახ მკვლელობის მცდელობაში ბრალდებული საბყრობილეს რამდენიმე დღეში დატოვებს.

შეგახსენებთ, რომ დაპირისპირება ჭავჭავაძის გამზირზე მოხდა, როდესაც გამოძიების ინფორმაციით ბუსა ჟვანიამ ბიზნესმენ გოგი თოფაძის შვილიშვილი, ლევან თოფაძე დაჭრა.

19 წლის ბიჭს 10-მდე მძიმე ჭრილობა ჰქონდა მიყენებული. ბუსა ჟვანიას 7-დან 17 წლამდე პატიმრობა ემუქრებოდა, თუმცა გაფორმებული საპროცესო შეთანხმების შემდეგ ახალგაზრდა ციხეს 9 თვეში დატოვებს.

შეთანხმება 5 თებერვალს შედგა, სასამართლომ კი დაკავებულს სამ წლიანი პატიმრობა შეუფარდა. აქიდან 1.6 წელი პატიმრობას ითვალისწინებს, დანარჩენი კი გამოსასწორებელი ვადა.
ბუსა ჟვანიამ ჩადენილი დანაშაული აღიარა.

გამოძიება სისხლის სამართლის კოდექსის 117-ე მუხლის 1-ლი ნაწილით მიმდინარეობდა, რაც ჯანმრთელობის განზრახ მძიმე დაზიანებას გულისხმობს.

ბუსა ჟვანიას დედა ამბობს, რომ ამ ეტაპზე ოჯახი შეწყალების თხოვნას არ აპირებს. ნინო ქადაგიძე აღნიშნავს, რომ მისი შვილი ციხეში გამოცდებისთვის მოემზადა.

რაც შეეხება გოგი თოფაძეს, მისი თქმით, თუ ბუსა ჟვანიამ ციხე წელიწადნახევრით ადრე დატოვა, "ჟვანიებს პრობლემები შეექმნებათ".

"სამი წელი მისჯილი აქვს, წელიწადნახევარში გამოვა, ამაში არ ჩავერევით, ჩვენ მათ ბევრი დავუთმეთ. მაგრამ თუ წლის ბოლომდე გამოვა, ვნმემ თუ მოგვატყუა დიდ ხათაბალაში აეხვებიან. თუ რამეს იმაიმუნებენ თავის თავს დააბრალონ"- ამბობს თფაძე.