სასჯელაღსრულების ადგილებში პატიმართა მასობრივი შიმშილობის გამო განცხადება გაავრცელა უფლებადამცველმა ნანა კაკაბაძემ, რომელმაც მართლმსაჯულების ხარვეზების დამდგენი კომისიის შექმნის შესახებ გადაწყვეტილების შეცვლასთან დაკავშირებით პატიმართა წუხილი გაიზიარა და მათ სოლიდარობა გამოუცხადა. 

ნანა კაკაბაძე აცხადებს, რომ ხელისუფლების იმ წარმომადგენლებთან ერთად, ვისაც გულთან ახლოს მიაქვს ეს პრობლემა, ცდილობს გამონახოს გზა, რათა სამართლიანობის აღდგენა დაიწყოს:

„საქართველოს ხელისუფლების მიერ მართლმსაჯულების ხარვეზების დადგენის კომისიის შექმნის გადავადებასთან დაკავშირებით სასჯელაღსრულების დაწესებულებებში მიმდი¬ნა¬რე მასობრივ შიმშილობასთან დაკავშირებით გვინდა, განვაცხადოთ, რომ ვიზიარებთ იმ შეშფოთებას და წუხილებს, რომელიც ხელისუფლების მიერ აღნიშ¬ნული გადაწყვეტილების მიღებამ გამოიწვია, სრულ სოლიდარობას ვუცხადებთ ყველა უკანონოდ და უსამართლოდ მსჯავრდებულს და მათ გულშემატკივარს, ვინც ჩართულია პროტესტის ისეთი მძაფრი და მძიმე ფორმით გამოხატვაში, როგორიცაა შიმშილობა.

ამიტომ, ხელისუფლების იმ წარმომადგენლებთან ერთად, ვისაც ასევე გულწრფელად აწუხებს აღნიშნული პრობლემა, ვცდილობთ, გამოვნახოთ ალტერნატიული და ეფექტური გზები, რომელიც იქნება მნიშვნელოვანი ნაბიჯი სამართლიანობდების აღდგენის გზაზე. ჩვენი მოლაპარაკებები ხელისუფლების პასუხისმგებლობის მქონე წარმომადგენ¬ლებთან ამ ეტაპზე გადამწყვეტ ფაზაშია შესული და ჩვენ იმედი გვაქვს, რომ უახლოესი 2-3 დღის განმავლობაში საზოგადოებისათვის ცნობილი გახდება და მისაღები იქნება ის გზა, რომელსაც ჩვენი ერთობლივი შეთანხმების საფუძველზე მიიღებს ხელისუფლება.

იმედს გამოვთქვამთ, რომ ეს გადაწყვეტილება იქნება უფრო კონკრეტული, ეფექტური და დროში გაწერილი, ვიდრე ეს იქნებოდა მართლმსაჯულების ხარვეზების დამდგენი კომი¬სიის შექმნის შემთხვევაში. ჩვენი მიზანია სამართლიანობის აღდგენის პრობლემის გადაჭ¬რის მიმართულებით სწორი ნაბიჯების გადადგმა, რასაც, იმედი გვაქვს, მივაღწევთ ხელისუფლებასთან კონსტრუქციული მოლაპარაკების შედეგად და ეს გადაარჩენს მრავალი მოშიმშილის სიცოცხლესა და ჯანმრთელობას“ – ნათქვამია განცხადებაში.