ჟურნალისტმა და ტვ პირველის საინფორმაციო სამსახურის უფროსმა ნოდარ მელაძემ აუდიოჩანაწერების საქმეზე მაგისტრი მოსამართლის თანდასწრებით დაკითხვა მოითხოვა. მისი განმარტებით, პროკურატურას წყაროს შესახებ ინფორმაციას არ მიაწვდის, რადგან ეს მისი პროფესიული ვალდებულებაა. საქმე ეხება სკანდალურ ჩანაწერებს, რომელზეც ბერა ივანიშვილის, ირაკლი ღარიბაშვილისა და ანზორ ჩუბინიძის სატელეფონო საუბარია:

"გამოვცხადდებით საქართველოს პროკურატურაში, ადვოკატს დამატებით დროსთან დაკავშირებით ექნება კომუნიკაცია. რა თქმა უნდა, წყაროს არ დავასახელებ, სულ რომ ჩემი მოსისხლე მტერი იყოს წყარო. მე გამაჩნია პროფესიული ვალდებულება, რომ არ დავასახელო წყარო და არ მივაწოდო საგამოძიებო უწყებას არცერთი მასალა, რომელიც მას დაეხმარება წყაროს იდენტიფიკაციაში", - თქვა ნოდარ მელაძემ.