სოჭში ბობსლეის (შეჯიბრება მთიდან სწრაფად დაშვებაში ყინულოვან-თოვლიან გზაზე სპეციალური,2-4 კაციანი სამართავი მარხილებით) ოლიმპიური ტრასის სახურავი თოვლის სიმძიმისგან ჩამოინგრა. არიან თუ არა დაშავებულები მომხდარის შედეგად, ამ დრომდე არაა დაზუსტებული.

მომხდარის შესახებ „ევროპორტი“ იუწყება, თუმცა, ფაქტი ოფიციალურად არ დადასტურებულა. ეს ობიექტი 2012 წელს გაიხსნა და რამდენიმე საერთაშორისო შეჯიბრებას უკვე უმასპინძლა.

ტრასა განთავსებულია სამთოსათხილამურო კურორტ „ალპიკა სერვისზე“, „რჟანაია პოლიანასთან“.

შეგახსენებთ, რომ სოჭის 2014 წლის ზამთრის ოლიმპიადის მოსამზადებლად 313, 8 მილიარდი რუბლის ხარჯი იყო დაგეგმილი.

ოფიციალური დოკუმენტების მიხედვით, 2013 წლის 1 თებერვლის მონაცემებით, უკვე დახარჯული იყო 1.525.900 000 რუბლი, რაც საერთო ხარჯის 74,5%-ია.