პრინცი უილიამის განცხადებით, ბრიტანეთის სამეფო ოჯახის წევრები „რასისტები არ არიან“ – ამ რეპლიკით მან საზოგადოდ გამოჩენისას ჟურნალისტის მიერ დასმულ კითხვას უპასუხა.

კემბრიჯის ჰერცოგს, ასევე ჰკითხეს, სკანდალური ინტერვიუს შემდეგ ის ესაუბრა თუ არა ძმას, რაზეც პრინცმა განაცხადა: „არა, ჯერ კიდევ არ მისაუბრია, მაგრამ აუცილებლად გავესაუბრები“

ოპრა უინფრისთან სკანდალური ინტერვიუსას, პრინცმა ჰარიმ და მეგან მარკლმა სამეფო ოჯახი რასიზმში დაადანაშაულეს. მარკლის თქმით, ოჯახის ერთ–ერთი წევრი, რომლის ვინაობაც არ დაასახელა, ზედმეტად ღელავდა იმის გამო, „თუ რამდენად მუქი იქნებოდა მუცლადმყოფი არჩის კანის ფერი“.

სწორედ ამ ბრალდებას გამოეხმაურა დღეს პრინცი უილიამი.