ფეხბურთელ გიორგი შაქარაშვილის მკვლელობაში ბრალდებული არასრულწლოვნის ზ.ხ.-ს ადვოკატი გიორგი გელხაური დარწმუნებულია, რომ დღეს სასამართლო მისი დაცვის ქვეშ მყოფისთვის გამამართლებელ განაჩენს გამოიტანს. მისი განმარტებით, საქმეში არ არის მტკიცებულებები, რაც ბრალდებულების ბრალეულობაზე მიუთითებს:

„ერთადერთი მოლოდინი გვაქვს, ეს იქნება გამამართლებელი განაჩენი, რადგან ამ სისხლის სამართლის საქმეზე სხვა ალტერნატივა არ არსებობს, სხვა მტკიცებულებები არ მეტყველებს სხვა ალტერნატივაზე, რომ არასრულწლოვანი და სხვა ბრალდებულები შეიძლება დამნაშავედ იქნენ ცნობილი", - განაცხადა გელხაურმა.