რუსი ჟურნალისტი ანდრეი კარაულოვი აღშფოთებულია იმ შედეგებით, რომელიც სინგაპურში რუსული წარმოების ძეხვის შემოწმების შემდეგ მიიღო. იგი ნანობს, რომ არ შეუძლია ძეხვის მწარმოებელი ფირმა დაასახელოს.

სინგაპურში ყოფნისას ტელეწამყვანს არ დაენანა 1 500 სინგაპურული დოლარი, რომ შეემოწმებინა, თუ რას ჭამენ რუსები.

სანამ სინგაპურში წავიდოდა, იგი ერტერთ მაღაზიაშ შევიდა და 4 სახეობის ძეხვი შეიძინა, რომლებიც დალუქა, რომ ვინმეს ფალსიფიკაციაში არ დაედანაშულებინა და პროდუქტები საზღვარგარეთ, სინგაპურში წაიღო.

სინგაპურის ერთერთ ცნობილ ლაბორატორიაში ძეხვების ჩაბარებიდან ერთი კვირის შემდეგ ის დაწესებულების ხე;მძღვანელმა დაიბარა. კარაულოვის გაკვირვებას საზღვარი არ ჰქონდა, როდესაც კაბინეტში მას ადგილობრივი პოლიციის ოფიცერი დახვდა. როგორც გაირკვა, პოლიციას ექსპერტებმა მიმართეს, რადგან კარაულოვის მიერ ჩაბარებული ძეხვი მათ "ჯანმრთელობისთვის განსაკუთრებულად სახიფათო პროდუქტად შეაფასეს, რომელიც უცხო ქვეყნის მოქალაქემ სინგაპურში შემოიტანა".

"მე ორი კითხვა დამისვეს: პირველი, სად შევიძინე ეს პროდუქტები? და მეორე, "ამას თქვენ ჭამთ? ეს ადამიანებისთვისაა განკუთვნილი?".. ისეთი გამომეტყველება ჰქონდათ, შემეშინდა არ დავეპატიმრებინეთ," - წერს ჟურნალისტი.