ცესკოში გასაიდუმლოებული რეორგანიზაცია მიმდინარეობს. იმის ნაცვლად, რომ საარჩევნო ადმინისტრაცია გაყალბებული არჩევნების შემდეგ შეცვლილიყო, თამარ ჟვანია შტატებს ზრდის.

შტატების გაზრდის შესახებ თანამშრომლები ჟვანიამ საქმის კურსში არ ჩააყენა. ამის შესახებ მხოლოდ მაშინ გაიგეს, როდესაც ყველაფერი უკვე დასრულებული იყო.

ცესკო-ს ერთ-ერთი თანამშრომლის განცხადებით, ადმინისტრაციული ცვლილებებისა და შტატების დამატების შესახებ მათთვის ცნობილი 4 მარტს გახდა. 5 მარტს კი რეორგანიზაცია დასრულდა. მისი განმარტებით, ეს ყველაფერი ისე მოხდა, რომ საჯარო სამსახურის ბიუროსთვის არ უცნობებია და ფუნქციური ანალიზიც არ ჩაუტარებია:

"რეორგანიზაცია რომ იყო, ამის შესახებ გუშინწინ გავიგე, გუშინ კი ცნობილი გახდა, რომ დამტკიცდა. იყო თუ არა რეორგანიზაციის საჭიროება, ეს საკითხი ჩემს დონეზე არ წყდება, გუშინ ჩატარდა სხდომა და გვაცნობეს ამის შესახებ" - განაცხადა ცესკო-ს კოორდინაციის დაგეგმარების ანგარიშების დეპარტამენტის უფროსმა ივეტა ჭეიშვილმა.

"სტრუქტურულად გადაანაწილეს შიგნით, რისი საჭიროებაც არ იყო, ნდობით ვინების სარგებლობენ, ისეთ დეპარტამენტებს ანდეს მნიშვნელოვანი ფუნქციები, როგორიცაა საშვთა ბიურო, კანცელარია, ცხელი ხაზი და ა.შ. ფაქტია, რაღაცისთვის ემზადებიან, მაგალითად, გაყალბებითვის" - განაცხადა ცესკო-ს ყოფილმა წევრმა დავით გურგენიძემ.

"ამ სტრუქტურით, რომელიც მათ წარმოადგინეს, საკმაოდ დიდი ცვლილებებია და ბევრ დეპარტამენტს შეეხო, არა მარტო სახელფასო ცვლილებები, არამედ სტრუქტურული. ახალი შტატები დაამატეს და გადალაგება მოხდა ისე, რომ ამის შესახებ თანამშრომლები მხოლოდ ერთი დღით ადრე გააფრთხილეს. ეს არც ერთ საჯარო სამსახურში არ მომხდარა, ცვლილებების შესახებ ყველგან ერთი თვით ადრე ატყობინებენ თანამშრომლებს. რეორგანიზაცია დაჭირდათ იმიტომ, რომ კონტროლი გააძ₾იერონ - განაცხადა ცესკო-ს ადამიანთა რესურსების მართვის დეპარტამენტის ყოფილმა ხელმძღვანელმა თამარ შუკაკიძემ.