"ძალიან სასარგებლო იყო, რომ ევროპული საბჭოს პრეზიდენტი შარლ მიშელი ჩამოვიდა საქართველოში" , - ასე აფასებს აშშ-ს ელჩი საქართველოში, კელი დეგნანი, ევროპული საბჭოს პრეზიდენტის, შარლ მიშელის ვიზიტსდა კონგრესის წარმომადგენლების განცხადებებს საქართველოზე.

დეგნანის შეფასებით, მსგავსი გამოხმაურება საქართველოსთვის ძალიან მნიშვნელოვანია.

ელჩმა ყურადღება გაამახვილა პოლიტიკურ კრიზისში ოპოზიციისა და ხელისუფლების მხრიდან გამოსავლის ძიების მცდელობებზე და განაცხადა, რომ ყველა მხარეს აქვს სურვილი, მოიძებნოს გამოსავალი და გაგრძელდეს ერთმანეთთან კეთილსინდისიერი საუბარი მოთხოვნებზე.

"ძალიან სასარგებლო იყო, რომ ევროპული საბჭოს პრეზიდენტი შარლ მიშელი ჩამოვიდა საქართველოში. ეს აჩვენებს, რაოდენ შეწუხებულები და დაინტერესებულები არიან საქართველოს მეგობრები. ჩვენ ვნახეთ იგივე სულისკვეთების განცხადებები კონგრესის წარმომადგენლების მხრიდან და საქართველოს სხვა მეგობრებისგან. მხარეებს შორის შეთანხმებას დრო სჭირდება, მაგრამ მჯერა, ამისთვის საჭირო პოლიტიკური ნება არსებობს.

გამოსავლის მოსაძებნად სურვილი არსებობს. ეს ძალიან კომპლექსური პრობლემებია. ადამიანებს აქვთ დიდი აზრთა სხვადასხვაობა. თუმცა ვნახე, რომ ყველა მხარეს აქვს სურვილი, მოიძებნოს გამოსავალი და გაგრძელდეს ერთმანეთთან კეთილსინდისიერი საუბარი მოთხოვნებზე, თუ რა სჭირდებათ მათ შეთანხმებისთვის, რომელიც ყველასთვის კომფორტული იქნება". -ამბობს კელი დეგნანი. (პირველი არხის თარგმანი).