კორუფცია გომელაურის უწყებაში - თაღლითობისა და თანხის მითვისების მცდელობისთვის მოქმედი თანამშრომელი დააკავეს

სამართალი - 13:59, 04 Mar, 2021

2095

პოლიციამ თაღლითობისა და დოკუმენტების გაყალბების ბრალდებით ხუთი პირი დააკავა, რომელთა შორის ერთ-ერთი შსს-ს თანამშრომელია.
როგორც უწყების მიერ გავრცელებულ განცხადებაშია ნათქვამი, ბრალდებულები ყალბი დოკუმენტაციის გამოყენებით ერთ-ერთი მოქალაქის დეპოზიტზე არსებული თანხის თაღლითურად დაუფლებას ცდილობდნენ:
"შინაგან საქმეთა სამინისტროს გენერალური ინსპექციის თანამშრომლებმა გატარებული საგამოძიებო-ოპერატიული ღონისძიებების შედეგად, მოსამართლის განჩინების საფუძველზე, დოკუმენტის გაყალბების, ორგანიზებული ჯგუფის მიერ დიდი ოდენობით თაღლითობის და თაღლითობის მცდელობის ბრალდებით ორგანიზებული ჯგუფის 5 წევრი დააკავა. დაკავებულთა შორის ერთ-ერთი შინაგან საქმეთა სამინისტროს თანამშრომელია.

დანაშაული 7-დან 10 წლამდე თავისუფლების აღკვეთას ითვალისწინებს.

გამოძიებით დადგინდა, რომ ბრალდებულები ყალბი დოკუმენტაციის გამოყენებით ცდილობდნენ ერთ-ერთი მოქალაქის დეპოზიტზე არსებული თანხის თაღლითურად დაუფლებას.

დოკუმენტის გაყალბების, დიდი ოდენობით ორგანიზებული ჯგუფის მიერ თაღლითობის და თაღლითობის მცდელობის ფაქტებზე გამოძიება საქართველოს სისხლის სამართლის კოდექსის 362-ე, 180-ე და 19-180-ე მუხლებით მიმდინარეობს' - წერის განცხადებაში.