პარლამენტის ადამიანის უფლებათა კომიტეტის თავმჯდომარის, ეკა ბესელიას განცხადებით, ბაჩო ახალაიას წინააღმდეგ მტკიცებულებები არსებობს, თუმცა ამას მოსამართლეები არ იჯერებენ. ამის შესახებ ბესელიამ რადიო "პალიტრას" ეთერში, გადაცემაში "რეზიუმე“ განაცხადა.

"არ ვიცი, მოსამართლემ რა ვერ დაიჯერა, მე პირადად ვნახე ახალაიას წინააღმდეგ არსებული მტკიცებულებები. მოსამართლეები ვერ იჯერებენ რატომღაც ამას. ეს ის მოსამართლეები არიან, რომლებიც ფარატინა ქაღალდებით ასამართლებდნენ ბრალდებულებს", - განაცხადა ეკა ბესელიამ.