დღეს ეროვნულ მუსიკალურ ცენტრში ზურაბ ჟვანიას ხსოვნას კონცერტს მიუძღვნიან

საზოგადოება - 10:47, 08 Dec, 2013

1965

ევგენი მიქელაძის სახელობის საქართველოს ეროვნულ მუსიკალური ცენტრში 8 დეკემბერს, ზურაბ ჟვანიას 50 წლის იუბილესადმი მიძღვნილ კონცერტი გაიმართება.საღამოს ორგანიზატორები ნიკოლოზ რაჭველი და საქართველოს ეროვნული მუსიკალური ცენტრია.2005 წელს საქართველოს ეროვნული მუსიკალური ცენტრი სწორედ ზურაბ ჟვანიას ინიციატივით დაარსდა. მასში სახელმწიფო სტატუსის მქონე კოლექტივები: სახელმწიფო სიმფონიური ორკესტრი, სახელმწიფო საგუნდო კაპელა და სახელმწიფო სიმებიანი კვარტეტი გაერთიანდნენ.
საღამოში მონაწილეობას მიიღებენ: სახელმწიფო სიმფონიური ორკესტრი;
ყოვლადწმინდა სამების საკათედრო ტაძრის საპატრიარქო გუნდი (დირიჟორი სვიმონ ჯანგულაშვილი); ასევე, სოლისტები: გიორგი ცაგარელი (ალტი) და მარიამ როინიშვილი (სოპრანო).
კონცერტის პროგრამაშია პეტრე ჩაიკოვსკის - სიმფონია #6. ასევე, შედგება ახალი ნაწარმოების პრემიერა, რომელიც ზვიად ბოლქვაძემ მუსიკალური ცენტრის ნოემბერ-დეკემბრის საკონცერტო სერიისთვის შექმნა.
ამასთან, კონცერტის დასასრულს, საქართველოში პროფესიული მუსიკის განვითარებაში შეტანილი ფასდაუდებელი წვლილისათვის ზურაბ ჟვანიას (გარდაცვალების შემდეგ) ევგენი მიქელაძის საპატიო მედალი გადაეცემა.