"ტაბულას" მთავარი რედაქტორი თამარ ჩერგოლეიშვილი საქართველოს პრემიერმინისტრს ირაკლი ღარიბაშვილს "ფეისბუქის" საკუთარ გვერდზე რჩევას აძლევს, რა პრინციპით ააგოს გამოსვლის ტექსტი აშშ-იდან მორიგი მაღალჩინოსნის სტუმრობის დროს:

"პრემიერს:

ბ-ნო ირაკლი, შემდეგში, შეერთებული შტატების მაღალჩინოსანი რომ გეწვევათ, ასე თქვით ხოლმე (მოკლედ დავწერ):

დაიწყეთ პანდუსით - აღნიშნეთ, რომ საქართველო ყველასია, მათ შორის მათიც, ვინც ეტლიც გადაადგილდება, შესაბამისად სახელმწიფო დაწესებულებებთან წვდომა თანაბრად იოლი უნდა იყოს ჩვენი მოქალაქეებისთვის, მიუხედავად მათი შესაძლებლობებისა.

მერე აღნიშნეთ, რომ ესეთი დეტალები განასხვავებს თანამედროვე დემოკრატიებს დახურული, ტოტალიტარული სახელმწიფოებისგან და სწორედ ამიტომ ვცდილობთ გავხდეთ თავისუფალი სამყაროს ნაწილი.

მერე აღნიშნეთ, რომ ჩვენ გვყავს მოქალაქეები, რომელთაც გადაადგილება ხელოვნურად ეზღუდებათ. ნახევარ მილიონამდე მოქალაქე სახლიდანაა გამოგდებული წლების წინ და ვერ ბრუნდება, ხოლო ზოგიერთ მათგანს ახლა, როცა საუბრობთ, მაშინ აქცევენ მავთულხლართებში.

ბოლოს კი დაამთავრეთ იმით, რომ ჩვენ გავხდებით თავისუფალი სამყაროს ნაწილი და ჩვენს სწრაფვას მავთულხლართები ხელს ვერ შეუშლის.

რა ვიცი აბა - მგონი ასე აჯობებს. უფრო დავიჯერებთ, რომ პრემიერ მინისტრი ხართ“, - წერს თამარ ჩერგოლეიშვილი.