ლანჩხუთის მთავარი მოედნიდან ევროკავშირის დროშები ჩამოხსნეს, საქართველოს დროშები კი ჩამოხიეს. ინფორმაციას „გურიის მოამბე“ ავრცელებს.

„ლანჩხუთის მოსახლეობა, ქალაქის მთავარ მოედანზე, ევროკავშირის დროშების ჩამოხსნას და საქართველოს დროშების შეურაცხყოფას აპროტესტებს. ამასთან დაკავშირებით, დღეს "გურიის მოამბეს" რედაქციაში, ლანჩხუთიდან რამდენიმე მოქალაქემ დარეკა.

მოქალაქეები აპროტესტებენ მომხდარ ფაქტს და ადგილობრივ ხელისუფლებას უმოქმედობაში ადანაშაულებენ.

"შესაძლოა, ეს დროშა გამგებელს არ ჩამოუხსნია და არც ქართული სახელმწოფო დროშები ჩამოუხევია, მაგრამ ვერ ხედავს? რა პრობლემაა ხელახლა აღმართვა და ჩამოგლეჯილის ახალით შეცვლა? ეს დროშები ხომ აქ უკვე 10 წელია არის?" - კითხულობენ ლანჩხუთელები.

ფოტოები "ფეისბუქიდან".