ნიუ-იორკელი პოლიციელი ლარი დეპრიმო თაიმს-სკვერზე მორიგეობდა, როცა დაინახა ფეხსაცმლის მაღაზიასთან მჯდარი ფეხშიშველი მოხუცი.

პოლიციელი მოხუცთან მივიდა, მისი ფეხის ზომით დაინტერესდა, შემდეგ კი სადღაც წავიდა ახალთახალი ზამთრის მაღალყელიანი „ბათინკები“ მიუტანა, თანაც, ჩაცმაში დაეხმარა.

ეს ფაქტი სრულიად შემთხვევით გადაიღო გამვლელმა და ნიუ-იორკის პოლიციის დეპარტამენტში ფოტო გაგზავნა, რის შემდეგაც პოლიციამ თანამშრომლის ვინაობა დაადგინა, ხოლო ფოტო საკუთარ ვებ-გვერდზე გამოაქვეყნა.