პარადოქსალური დასკვნა - ვისთვის შეიძლება იყოს სასარგებლო ზედმეტი წონა?

ეს საინტერესოა - 13:08, 14 Feb, 2021

1662

ის ადამიანები, რომლებიც საშუალო ასაკში ზედმეტ წონას დაგროვებენ, უფრო დიდხანს ცხოვრობენ, ვიდრე ისინი ვინც ახალგაზრდობიდან კარგ ფიზიკურ წონას ინარჩუნებენ, აცხდებენ ოჰაიოს უნივერსიტეტის მკვლევარები, რომლებიც ამერტიკელების ორ თაობას 70 წლის მანძილზე აკვირდებოდნენ. ამასთან, ისინი, ვისაც წონა ბავშვობიდან აწუხებს, ყველაზე მაღალი რისკის ქვეშ იმყოფება.

"ჩვენი დასკვნა ეხება პირველ რიგში იმათ, ვისაც ახალგაზრდობაში ნორმალური წონა ჰქონდა, ხოლო შემდეგ თანდათან დაეწოთ წონის მატება და საშუალო ასაკისთვის უკვე ზედმეტი წონა აქვთ. ასაკში წონის მცირედი მომატება სიცოცხლის წლებს გვმატებს," - აცხადებს უნივერსიტეტის სოციოლოგიის პროფესორი ხუეი ჩჟენი.

მისი თქმით, უნივერსიტეტის მკვლევარები 1948 წლიდან აკვირდებოდნენ მასაჩუსეტის შტატის 8000 მაცხოვრებელს და მათ შვილებს.

წონის მატების პროცესი ორივე ჯგუფს (მშობლებსა და მათ შვილებს) თანაბარი ტენდენციით აღენიშნებოდა, თუმცა შვილების შემთხვევაში პროცესი უფრო ადრეულ ასაკში იწყებოდა. ამასთან, ჭარბი წონისგან ნაადრევი გარდაცვალების ფაქტებიც უფრო მეტად სწორებ მეორე თაობას აღენიშნებოდა.

ამასთან, პროფესორი აცხადებს, რომ ეს ფაქტი არ იძლევა საფუძველს, რომ 50-55 წლის ასაკში ყველაფერზე ხელი ჩაიქნიოთ და საკუთარ წონაზე კონტროლი შეწყვიტოთ.