პოლ უოკერის ერთი გულისამაჩუყებელი ნაბიჯის შესახებ, რომლის გამხელა მან მის სიკვდილამდე აკრძალა, მხოლოდ ახლა გახდა ცნობილი: საიდუმლო აშშ-ის ერთერთ ქალაქში მდებარე საიუველირო მაღაზიის მეპატრონემ გაამხილა.

შემთხვევა 2004 წელს მოხდა, როცა პოლ უოკერი სწორედ ამ მაღაზიაში იყო შესული. სწორედ იმ დროს მაღაზიაში წყვილი შემოვიდა, ძვირფასეულობა დაათვალიერა და აღმოჩნდა, რომ საპატარძლოს მიერ მოწონებული ბეჭდის საყიდლად თანხა არ ყოფნიდათ.

წყვილმა მაღაზია დატოვა, თუმცა მანამდე შანსი არ გაუშვა ხელიდან და პოლ უოკერს ავტოგრაფი ჩამოართვა.

საღამოს კაილ და ქრისტიან აპხემების სახლში ტელეფონმა დარეკა. მათ საიუველირო სალონიდან აცნობეს, რომ აუცილებლად უნდა მისულიყვნენ, რადგან მათ სახელზე ნივთი იყო დატოვებული. წყვილისთვის შოკისმომგვრელი აღმოჩნდა ის, რომ 9000 დოლარად ღირებული ბეჭედი,  უცხო ადამიანმა მათთვის შეიძინა. გამყიდველმა, მისივე თხოვნით, ნივთის შემძენის ვინაობა არ გაამხილა. ახალგაზრდებმა ბეჭედი და ქვითარი წამოიღეს.

ამ ისტორიის შესახებ უკვე აქტიურად იწერება მსოფლიო პრესის ფურცლებზე.