ყოველდღიურად წარმოიდგინეთ დედამიწის მასშტაბით რამდენი ტონა საჭმელი ფუჭდება და ყრიან ნაგავში, მაშინ, როცა ქუჩაში უამრავი უსახლკარო ადამიანი დაიარება. ადამიანს რომ თავი დავანებოთ, ამ კუთხით დახმარება ქუჩის ცხოველებსაც ძალიან სჭირდებათ.

16 წლის ბრაიან ჯონსონის ისტორია რამდენიმე დღის წინ TikTok–ზე ძალიან აქტუალური გახდა, შედეგად მან სხვა სოციალური ქსელებიც მალევე მოიცვა. ის „დანქინ“–ში მუშაობდა.არსებული პრაქტიკით, კომპანიაში დღის ბოლოს დარჩენილი დონატები ნაგავში იყრება.

ბრაიანმა სოციალურ ქსელში დაწერა: „ჩვენ ასობით დონატს ვყრით დღის ბოლოს, თუ სურვილი მექნება სახლში შემიძლია რამდენიმეს წაღება, ასევე ვღვრით ცხელ ყავასა და ჩაის. ეს ძალიან მტკივნეულია, ამიტომ გადავწყვიტე უსახლკარო ადამიანებს დავურიგო ისინი“

ბრაიანი ასეც მოიქცა და მოგვიანებით სოციალურ ქსელში დაწერა, რომ მისი ქმედების გამო სამსახურიდან გაათავისუფლეს. ბიჭის გათავისუფლებაზე კომპანიას ჯერჯერობით განცხადება არ გაუკეთებია და მიზეზი არ აუხსნია, თუმცა „დანქინმა“ მომხდარის გამო ძალიან დიდი კრიტიკა დაიმსახურა.