Facebook- ის დამფუძნებელი, მარკ ცუკერბერგი აცხადებს, რომ სამომავლოდ სტანდარტულ ოფისებს ვირტუალური რეალობა ჩაანაცვლებს და თანამშრომლები სამსახურში ვირტუალური (VR) და დამატებითი (AR) რეალობების მოწყობილობების მეშვეობით "წავლენ".

Facebook-ის დამფუძნებელმა განაცხადა, რომ კორონავირუსი პანდემიის პირობებში არსებულმა შეზღუდვებმა და სახლიდან მუშაობამ კიდევ ერთხელ დაადასტურა, რომ დამქირავებელს არ სჭირდება თანამშრომლების მიბმა ტერიტორიულად ერთ ოთახსა თუ შენობაზე. შესაბამისად, VR და AR ტექნოლოგიები საშუალებას მისცემს ადამიანებს იყვნენ იქ სადაც უნდათ და თან პარალელურად საქმეც გააკეთონ.

ცუკერბერგი დარწმუნებულია, რომ ახალი ტექნოლოგიები თანამშრომლების პროდუქტიულობას გაზრდის. მისი განცხადებით, ის მზად არის, საკუთარ კომპანიაში VR და AR ტექნოლოგიების გამოყენება მომდევნო ოთხი-ხუთი წლის განმავლობაში დაიწყოს და თანამშრომელთა ნახევარი დისტანციურ რეჟიმში ამუშაოს.

"უმჯობესია, საკუთარი თავის ტელეპორტაცია მოვახდინოთ და არა ტრანსპორტირება", - აღნიშნა ცუკერბერგმა.

მისი თქმით, სხვა დადებით მოვლენებთან ერთად ეს გარემოში მავნე გამონაბოლქვების გავრცელებას შეამცირებს და ეკოლოგიურ ვითარებას გააუმჯობესებს.