6 დეკემბერს, 10:00 საათზე,  სასტუმრო „ჰოლიდეი ინნ“-ში  საქართველოს საკანონმდებლო და აღმასრულებელი ხელისუფლების წევრები, გაეროსა და დიპლომატიური კორპუსის წარმომადგენლები, საერთაშორისო და ადგილობრივი ორგანიზაციები ქალთა უფლებებისა და გენდერული თანასწორობის საკითხებზე მაღალი დონის შეხვედრას გამართავენ.

შეხვედრაზე კიდევ ერთხელ მოხდება ქვეყანაში ქალთა უფლებებისა და გენდერული თანასწორობის გაძლიერების მნიშვნელობის ხაზგასმა და ქალთა უფლებების დაცვის, ქალთა პოლიტიკური მონაწილეობისა და ეკონომიკური გაძლიერების, ქალთა მიმართ ძალადობის  დაძლევის საკითხების წამოწევა.

მაღალი დონის შეხვედრაზე წარმოდგენილი იქნება შედეგებიც, რომლებსაც ქვეყანამ იმ საერთაშორისო და ადგილობრივი ვალდებულებების შესრულების პროცესში მიაღწია, რომლებიც ქალთა უფლებებსა და გენდერულ თანასწორობასთანაა დაკავშირებული.

მაღალი დონის შეხევდრას გახსნიან: პრემიერ-მინისტრი, ბ-ნი ირაკლი ღარიბაშვილი და საქართველოს პარლამენტის თავმჯდომარის მოადგილე და გენდერული თანასწორობის საბჭოს თავმჯდომარე ქ-ნი მანანა კობახიძე. შეხვედრაზე სიტყვით გამოვლენ: გაეროს მუდმივი კოორდინატორი საქართველოში  ბ-ნი ნილს სკოტი, შვედეთის სამეფოს ელჩი საქართველოში ქ-ნი დიანა იანსე, იტალიის რესპუბლიკის ელჩი საქართველოში ქ-ნი ფედერიკა ფავი და ამერიკის შეერთებული შტატების ელჩის მოადგილე ქ-ნი ბრიჯით ბრინკი.