საქართველოს ადვოკატთა ასოციაციის თავმჯდომარეობის კანდიდატის, მამუკა მდინარაძის განცხადებით ასოციაცია ზაზა ხატიაშვილის, როგორც მოქმედი თავმჯდომარის, ამავდროულად ერთ-ერთი კანდიდატის მხარდასაჭერად ადმინისტრაციულ რესურსს იყენებს.

  „მე, როგორც თავმჯდომარეობის  კანდიდატი მივიჩნევ, რომ ასოციაციის მიერ განხორციელებული ქმედება არათანაბარ პირობებში მაყენებს. კერძოდ, ასოციაციის წევრ ადვოკატებს ინდივიდუალურად, კუთვნილ მობილურ ტელეფონზე უკავშირდებიან და  ხატიაშვილის მხარდამჭერ შეხვედრაზე მისვლას სთხოვენ. აღნიშნული ხორციელდება მაშინ, როდესაც მე ასოციაციამ ადვოკატების საკონტაქტო ინფორმაციის გადმოცემაზე უარი მითხრა და იგივე მონაცემები უეცრად მოქმედი თავმჯდომარის მხარდასაჭერად საჯარო გახდა.

   კიდევ ერთხელ, საინფორმაციო საშუალებების დახმარებით, ასოციაციის ადმინისტრაციას მივმართავ: თუ ნებისმიერი სახის ინფორმაცია ერთი კანდიდატისთვის მაინც ხელმისაწვდომია, იმავე ხერხით დანარჩენი კანდიდატების მხარდაჭერაც განახორციელონ.