ხვალ, 6 დეკემბერს 11 საათზე ქარელის რ-ნის სოფ. ღოღეთში  კოალიცია “საზოგადოებრივი ინიციატივა”, საზოგადოებრივი კავშირი “დროა” და არასამთავრობო ორგანიზაცია “აპრიორი” მცოცავი ოკუპაციის მორიგ ფაქტს გააპროტესტებენ მშვიდობიანი აქციით „შენ ხარ სენი, დაგვეხსენი“.

აქციის ორგანიზატორები  სამოქალაქო საზოგადოებას და ხელისუფლებას მოუწოდებენ მეტი აქტიურობისკენ და ოკუპანტებს შეახსენებენ, რომ აღნიშნული ტერიტორია საქართველოს ნაწილია.

ასევე, აქციაზე ე.წ საოკუპაციო საზღვართან გაუშვებენ ბუშტებს სიმბოლურად საქართველოსა და უკრაინის დროშის ფერებში. ბუშტებზე  იქნებამობმული გზავნილები ქართულ, ინგლისურ და რუსულ ენებზე, რომ „საქართველოსა და უკრაინის არჩევანი ევროპაა“ .

აღნიშნული აქციით,  კიდევ ერთხელ აღინიშნება, რომ ჩვენი ქვეყნის მომავალი ევროპაა, გვერდში ვუდგავართ ყველას ვინც ამ გზას ირჩევს და ვგმობთ ოკუპაციას.