დედაქალაქის მერის, გიგი უგულავას განცხადებით, ღარიბაშვილის მთავრობა ივანიშვილის მთავრობას სჯობია. აღნიშნულის შესახებ გიგი უგულავამ რკინიგზის შემოვლით პროექტზე საუბრისას განაცხადა. "ოპერატიულობის თვალსაზრისით, დღევანდელი მთავრობა, ღარიბაშვილის მთავრობა ივანიშვილის მთავრობას ჯობია იმიტომ, რომ მთელი ერთი წლის განმავლობაში ჩვენ მხოლოდ ამას ვითხოვდით, რომ დავსხდეთ, შევაჯეროთ და ის რაც გაკეთებულია წყალს არ გავატანოთ და ამით კიდევ ერთხელ გამოჩნდა, რომ ის ერთი წელიწადი უბრალოდ დავკარგეთ. სწორედ ასეთმა გაჩერებულმა პროექტებმა გამოიწვია, ეკონომიკის შეჩერება მათ შორის, გარდა სხვა ფაქტორებისა. მონიტორინგი უნდა გავაკეთოთ და ამავდროულად გავარგძელოთ ჩიჩინი, იმიტომ რომ ინფრასტრუქტურის სამინისტრომ გააჩერა სამანქანო ხიდის მშენებლობა, რომელიც ვეფხისა და მოყმის ქუჩიდან სამტრედიის ქუჩაზე უნდა გადასულიყო და ეს არსებითი მნიშვნელობის მქონეა თბილისის ინფრასტრუქტურის განვითარებისთვის. ახლა ამაზე უნდა ვფოკუსირდეთ და ამისკენ უნდა გავაძლიეროთ ძალისხმევა. დარწმუნებული ვარ, რომ ამჯერად ერთი წელი არ დაგვჭირდება და უფრო მალე შევძლებთ, შედეგის მიღწევას", - განაცხადა უგულავამ.