პატიმრებმა "ჟეშტით" თვითდაზიანებები მიიყენეს - ჩაგვიყვანეს სარდაფში და მაგრად გვცემეს

საზოგადოება - 15:45, 05 Dec, 2013

2396

რუსთავის N6 სასჯელაღსრულების დაწესებულებაში პატიმრები შიმშილობას განაგრძობენ. როგორც "ნიუპოსტს" პატიმრებმა აცნობეს, მათი მოთხოვნა კვლავ ძალაშია და შიმშილობას მათი მოთხოვნების დაკმაყოფილებამდე არ შეწყვეტენ. პატიმრებმა დავით ორჟონიამ და ნუკრი ბელქანიამ თვითდაზიანებები მიიყენეს.

მათი თქმით, მას შემდეგ რაც მათი მოთხოვნის პასუხად რეაგირება ვერ დაინახეს.

"უყურადღებობის გამო დავიჩეხეთ თავები. "ჟეშტით" მკლავის არეში მივიყენეთ თვითდაზიანება. 30 ნაკერი ადევს დავით ორჯონიას მე კი 34", - აცხადებს "ნიუპოსტთან" ნუკრი ბელქანია.

მისივე თქმით, მას შემდეგ რაც თვითდაზიანებები მიიყენეს, სასჯელაღსრულების დაწესებულების თანამშრომლები მათ ფიზიკურად გაუსწორდნენ.

"ჩაგვიყვანეს სარდაფში და მაგრად გვცემეს. ტყუილია თითქოს ციხეებში პატიმრებს აღარ სცემენ. რაც წინა ხელისუფლების პირობებში სიტუაცია იყო ახლაც გრძელდება", - აცხადებენ პატიმრები.

მათივე ინფორმაციით რუსთავის N 6 საპატიმროში ამ დროისთვის 100-მდე პატიმარი შიმშილობს მოშიმშილე პატიმართა პროტესტი მართლმსაჯულების ხარვეზების დამდგენი კომისიის შექმნის შეჩერებას და მათთვის არაადეკვატური სასჯელების შეფარდებას ეხება.