სკანდალი მას შემდეგ დაიწყო, რაც ერთ-ერთი ბავშვის მშობელმა ვიდეო გამოაქვეყნა, რომ ჩხოროწყუს საჯარო სკოლის მოსწავლეებს მერიის დასუფთავება აიძულეს.

როგორც ირკვევა, მეშვიდე კლასელები ადმინჯისტრაციულ შენობაში მასწავლებელმა დირექტორის თანხმობით წაიყვანეს.

ამასთან, როგირც "ნიუპოსტს" უყვებიან, ხმაურისა და მშობელთა პროტესტის შემდეგ მასწავლებლები ბავშვებს აიძულებდნენ მათ მიერვე გადაღებული მასალა წაეშალათ.

არასრულწლოვანები კი ამბობენ, რომ მათთვის უცნობი იყო თუ ისინი მერიაში სველი წერტილების დასასუფთავებლად მიჰყავდათ. მათი თქმით გამგეობაში სულ 10 ბავშვი იყო მისული. თავდაპირველად მათ მიმღები დაალაგებინეს. რის შემდეგაც ორმა ბავშვმა ტუალეტით ისარგებლა, რის შემდეგაც მათ მოსთხოვეს ტუალეტი იძულებით მოერეცხათ.

​მოსწავლეების თქმით, ისინი სკოლიდან ეთერი ჯაფარიძემ წაყვანა. ჯაფარიძე მერიის ყოფილი თანამშრომელია, რომელსაც კონტრაქტი ახლახან ამოეწურა.

სკოლის დირექტორი ირწმუნება, რომ ის შეცდომაში შეიყვანეს. თუმცა იქვე დასძენს, რომ თავის წილ პასუხისმგებლობას არ გაურბის.

გამოძიება სისხლის სამართლის კოდექსის 150-ე მუხლით დაიწყო, რაც იძულებას გულისხმობს.

გამოძიების შედეგებს ელოდება მუნიციპალიტეტი მერი, დათო გოგუა. მაღალჩინოსანი იწმუნება, რომ აქციის შესახებ არაფერი იცოდა და ეს იყო ერთი პირის თვითნებური ქცევა.

"სიღრმეებიში არ ჩავალ, მაგრამ როგორც კი გავიგეთ ეს ფაქტი, მყისიერი რეაგირება მოვახდინეთ. თვითნებობას ჰქონდა ადგილი. ეს არავითსნ შეთანხმებული არ ყოფილა. მას (ეთერი ჯაფარიძეს) ხელშეკრულება ამოწურული ჰქონდა. ის ჩვენთან აღარ მუშაობდა"- აცხადებს მუნიციპალიტეტის მერი. თუმცა დავით გოგუას არ აქვს კითხვაზე პასუხი, როგორ მოახერხა ყოფილმა თანამშრომელმა ადმინისტრაციულ შენობაში ბავშვების შეყვანა.

​ინფორმაციას ადასტურებენ ჩხოროწყუს საგანმანათლებლო რესურსცენტრში. როგორც "ნიუპოსტს" ცენტრის ხელმძღვანელმა უთხრა, აღნიშნულის შესახებ მან ერთ-ერთი მშობლისგან გაიგო. ლია ჯალაღონიას თქმით, ფაქტის შესახებ უკვე ეცნობა სამინისტროს და საქმე მოკვლევის ეტაპზეა.