ოფიციალურმა პეკინმა გააფრთხილა ტაივანი, რომ დამოუკიდებლობის მოპოვებისათვის ძალისხმევა გამოიწვევს ომს. აღნიშნული გაფრთხილება მას შემდეგ მოხდა, რაც ჩინეთმა სამხედრო აქტივობები დაიწყო რეგიონში, რომლის ფონზეც სამხედრო თვითმფრინავები დაფრინავდნენ კუნძულის სიახლოვეს. ამის შესახებ წერს BBC-ი.

რამდენიმე დღის წინ ამერიკის ახლადარჩეულმა პრეზიდენტმა, ჯო ბაიდენმა კიდევ ერთხელ დაადასტურა თავისი მხარდაჭერა ტაივანის მიმართ. მისი აზრით, დაძაბულობა რეგიონში დიდ კონფრონტაციას გამოიწვევს.

„ჩვენ სერიოზულად ვაფრთხილებთ ტაივანის დამოუკიდებლობის მსურველ ძალებს: ის, ვინც ცეცხლს ეთამაშება თავს დაიწვავს, ტაივანის დამოუკიდებლობა ნიშნავს ომს“ - განაცხადა ჩნეთის თავდაცვის მინისტრის პრესსპიკერმა, ვუ ქიანმა. მან აგრეთვე აღნიშნა, რომ რეგიონში სამხედრო აქტივობები არის აუცილებელი , რათა დაცული იქნეს ჩინეთის ეროვნული უსაფრთხოება და სუვერენიტეტი.