ბრიტანეთში კომპანია Novavax-ის მიერ შექმნილი კორონავირუსის ახალი ვაქცინა წარმოადგინეს, რომელმაც ჩატარებულ მასშტაბურ კვლევებში აჩვენა, რომ იგი ინფექციის წინააღმდეგ 89.3 %-ით ეფექტურია. აღნიშნული ფაქტი დადებითად შეაფასა პრემიერ-მინისტრმა და განაცხადა, რომ ახლა სამედიცინო რეგულატორებმა უნდა შეაფასონ ვაქცინის ეფექტურობა. ამის შესახებ ინფორმაციას BBC-ი ავრცელებს.

გავრცელებული ინფორმაციით, ბრიტანეთში NOVAVAX-ის ვაქცინის 60 მილიონი დოზა ამ დროისთვის უკვე არსებობს და დარეზერვებულია. იმ შემთხვევაში თუ მედიკამენტებისა და ჯანმრთელობის პროდუქტების მარეგულირებელი სააგენტო ოფიციალურად დაამტკიცებს აღნიშნულ ვაქცინას, დოზები წლის მეორე ნახევრიდან მიეწოდება სამედიცინო პუნქტებს.

Novavax-ის ვაქცინის ექსპერიმენტულ კვლევაში ჩართული იყო 18-იდან 84 წლის ასაკის 15 000 ადამიანი, რომელთაგან 27 % 65 წელზე მეტი ხნისაა.