ფატალური შეჯახების შედეგად კამერუნში 53 ადამიანი გარდაიცვალა, ხოლო 21 კი მძიმედ დაშავდა. დიდი სისწრაფით მიმავალი საწვავის გადამზიდი მანქანა დაეჯახა ავტობუსს, რომელსაც 70-ზე მეტი მგზავრი გადაჰყავდა. ხანძარმა ორივე მანქანა თითქმის სრულად დაფარა. გადარჩენილები უმძიმესი დაზიანებებით გადაიყვანეს საავადმყოფოებში. აღნიშული ფაქტის ამსახველ უმძიმეს ვიდეოკადრებს Dailymail-ი ავრცელებს.

გავრცელებული ინფორმაციით, სატვირთოს საწვავი არალეგალურად გადაჰქონდა- მძღოლმა გადაჭარბებული სისწრაფის გამო საჭე ვერ დაიმორჩილა და პირდაპირ იმ ავტობუსს შეეჯახა, რომელსაც მგზავრები ქალაქი დოუალადან ბაფოსამში გადაჰყავდა. შეჯახებისთანავე მასშტაბური ცეცხლი გავრცელდა. ავტოსაგზაო შემთხვევის შემდეგ სატვირთოს ავტომობილი შემთხვევის ადგილიდან გაიქცა. გარდაცვლილთა სხეულები იმდენად შელახული და დამწვარია, რომ მათ ამოცნობა ამ დრომდე ვერ ხერხდება.