მსოფლიოში ერთ-ერთი უმდიდრესი ადამიანის, ბილ გეითსის აზრით მომავალი პანდემიის შესაჩერებლად საჭიროა გლობალური განგაშის სისტემის შექმნა, რომლის ფარგლებშიც მოხდება მასობრივი ტესტირება და უსწრაფესად მოხდება ანტისხეულთა უჯრედების შექმნა. მისი თქმით, ამგვარი მზადყოფნის მისაღწევად ყოველწლიურად ათობით მილიარდი დოლარის დახარჯვა იქნება საჭირო. ამის შესახებ წერს Business today

„იმისათვის, რათა თავიდან ავირიდოთ ის გაჭირვება რაც გასულ წელს დაგვატყდა თავს, აუცილებელია მომავალი პანდემიისთვის იმგვარი მზადყოფნა და ისეთი სერიოზულობით მისთვის შეხედვა, როგორც ომის საფრთხისთვის“- განაცხადა ბილ გეითსმა.

Microsoft-ის დამფუძნებლის თქმით, უნდა მოეწყოს „მეგა-დიაგნოსტიკური“ პლატფომრები, რომელიც შესაძლებლობას მოგვცემს, რომ მოსახლეობის 20 % ყოველკვირეულად შემოწმდეს. საერთო ჯამში ჯანმრთელობის დაცვა ძალზე ძვირი დაჯდება,თუმცა მისი თქმით, ეს გაცილებით ნაკლები იქნება იმ $28 ტრილიონ დოლარზე, რომელიც ზარალის სახით მიადგა კოვიდ 19-ის გამო მსოფლიო ეკონომიკას.

„ამისგან უნდა მივიღოთ გაკვეთილი და ვისწავლოთ. შემდეგი პანდემია შესაძლოა ათჯერ უარესი აღმოჩნდეს, მაგრამ ჩვენ ამისთვის ახლა მზად არ ვართ“- განაცხადა გეითსმა .