ამ წუთებში თბილისის საქალაქო სასამართლო ჩუღურეთის გამგებლის მოადგილისთვის აღკვეთის ღონისძიების შეფარდებაზე მსჯელობს - სხდომა დისტანციურად ტარდება.

ადვოკატი, რობერტ გრიგალაშვილი აცხადებს, რომ ბრალდებული ბრალს ნაწილობრივ აღიარებს.

"მზაობა გამოთქმულია, რომ ბუნდოვანებებს გავცეთ ამომწურავი პასუხი, ვითანამშრომლებთ გამოძიებასთან, რომ დავანახოთ სრული სიცხადე. მოგეხსენებათ, პატიმრის ემოციური ფონი მაღალია... დოკუმენტაცია უკვე ჩაგვბარდა და გავეცნობით. აღიარებას სჭირდება კონკრეტიზაცია", - ამბობს გრიგალაშვილი.

შეგახსენებთ, რომ ვალდიმერ გოგსაძეს გამოძიება სამსახურეობრივი უფლებსამოსილების გადამეტებას ედავება.

ცნობისთვის, მერიის მაღალჩინოსანი სუს-ის ანტიკორუფციულმა სააგენტომ დააკავა.