ოფიციალურმა თეირანმა კოვიდ 19-ის რუსული ვაქცინა, გამალეის ინსტიტუტის მიერ დამზადებული Sputnik V ოფიციალურად დაარეგისტრირა. ქვეყნის საგარეო საქმეთა მინისტრმა, ჯავად ზარიფმა თავის რუს კოლეგა ლავროვთან ერთად გამართულ პრესკონფერენციაზე განაცხადა: „ ჩვენ გაცნობებთ, რომ SpuTnik v-ის ვაქცინა გამოსაყენებლად უკვე ოფიციალურად დარეგისტრირდა ირანში. იგი დამტკიცდა ჩვენი ჯანდაცვის უწყების მიერ და ვიმედოვნებთ, რომ ძალზე მალე შეგვეძლება მისი შესყიდვა“.

რუსეთისა და ირანის მთავრობებში აცხადებენ, რომ აქტიური საუბარი მიდის კოვიდ 19-ის ზემოხსენებული ვაქცინის ერთობლივი წარმოების დაწყებაზე ირანის ტერიტორიაზე.

შეგახსენებთ, რომ ირანის სულიერმა ლიდერმა, აიათოლა ალი ჰამანეიმ გამორიცხა კოვიდ 19-ის იმ ვაქცინების შესყიდვა, რომლებსაც აწარმოებენ აშშ-სა და დიდ ბრიტანეთში.

ირანში კორონავირუსით 1 385 706 ადამიანია ინფიცირებული, რომელთაგან 57 000-ზე მეტი გარდაიცვალა, ხოლო 1 177 367 პაციენტმა კი ვირუსი დაამარცხა.