კოლუმბიის თავდაცვის მინისტრი, კარლოს ოლმეს ტრუხილიო 69 წლის ასაკში კორონავირუსით გარდაიცვალა. იგი იანვრის თვის დასაწყისში დაავადების საწყის ეტაპზე გადაიყვანეს საავადმყოფოში, სადაც ვირუსული პნეუომინია განუვითარდა- „ კოლუმბიამ თავისი ერთ-ერთი საუკეთესო ადამიანი დაკარგა“ - განაცხადა პრეზიდენტმა ივან დუკემ.

ტრუხილიო ძალზე მნიშვნელოვანი და ერთ-ერთი წამყვანი ფიგურა იყო ორგანიზებულ დანაშაულთან ბრძოლაში. იგი ბოგოტაში სამხედრო საავადმყოფოში მკურნალობდა ინტენსიური თერაპიის პალატაში. თავდაცვის მინისტრი თითქმის ორი კვირის განმავლობაში ხელოვნური სუნთქვის აპარატზე იყო მიერთებული, თუმცა მისთვის სიცოცხლის შენარჩუნება შეუძლებელი გახდა.

კოლუმბიაში სულ 2 027 746 ადამიანია ინფიცირებული, რომელთაგან 53 574 გარდაიცვალა, ხოლო 1 844 000-მა ვირუსი დაამარცხა.