აშშ–ის 46–ე პრეზიდენტის ინაუგურაციაზე გადაღებულმა ფოტომ, რომელზეც ბერნი სანდერსი ეკო–ხელთათმანებით არის გამოსახული, ინტერნეტ სივრცე დაიპყრო. ის მრავალი მიმის საფუძველი გახდა.

გურიაში სანდერსის ფოტოს მიხედვით თოვლის ქანდაკებაც კი გააკეთეს.

ცოტა ხნის წინ მას თოჯინაც მოუქსოვეს და აუქციონზე გამოიტანეს.

ნაქსოვი სანდერსი eBay–ს აუქციონზე გაიყიდება, ის ადამიანი კი ვინც ეს თოჯინა შექმნა, პირობას დებს, რომ მიღებულ თანხას მთლიანად ქველმოქმედებას მოახმარს.

„მეგობარმა მომაწოდა ინფორმაცია, რომ ბერნიმ ჰუდები შექმნა თავისი ფოტოს გამოსახულებით და მათ ქველმოქმედებისთვის ყიდის, მსურს ჩემი თოჯინაც ამ მიზნისთვის გავყიდო“, – ამბობს ტობი ქინგი.

ონლაინ აუქციონზე ლოტი შაბათს, საღამოს განათავსეს და საწყისი ღირებულება 99 ცენტი იყო, ერთ დღეში ნაქსოვი სანდერსის ფასი 15 ათას დოლარამდე ავიდა. აუქციონი დღეს სღამოს დასრულდება და საბოლოო ფასსაც გავიგებთ.